martes, 18 de abril de 2017

"DÍA DO LIBRO 2017"

Por esta época de primavera, as nosas almas están tremendamente necesitadas de alimento. Nada mellor para satisfacelas que este "Menú especial do Día do Libro" do noso "Lectaurante"; este ano con moita poesía. Lembramos sempre a Cervantes, pero tamén a Gloria Fuertes e Eduardo Pondal (dos que se cumpren 100 anos do seu nacemento) e a Miguel Hernández (cando se cumpren 75 anos da súa morte na cadea).








 

"Bos días, Maruja: 12 estampas dunha pintora"





Como contabamos hai uns días, o noso centro súmase as actividades propostas pola Deputación para homenaxear á pintora de Viveiro Maruja Mallo, con motivo do Día das Artes Galegas. 
Coa visita, este martes, da Deputada de Cultura, Deseño e Artesanía, Pilar García Porto, e o reparto aos alumnos do libro "Bos días, Maruja: 12 estampas dunha pintora", comezamos unha serie de actividades das que daremos conta.

lunes, 3 de abril de 2017

"TINGUIDOS DE AZUL POLO AUTISMO"

As profesoras Chus, Mar e Belén, organizaron actividades con alumnos de 1º e 2º de eso para tinguir de azul o noso centro, dotar de pegatinas a alumnos, profesores e persoal non docente e crear un ambiente no que todos os alumnos se sintan incluídos.
A Biblioteca e os Voluntarios de Biblioteca colaboraron nas tarefas.


viernes, 31 de marzo de 2017

"ROMPAMOS BARREIRAS POLO AUTISMO"


«Neste Día Mundial de Concienciación sobre o Autismo, axudemos todos a cambiar as actitudes cara as persoas con autismo e a recoñecer os seus dereitos como cidadáns, que, ao igual que todos os demais, ten dereito a reivindicar eses dereitos e a tomar decisións sobre a súa vida de acordo aos seus propios desexos e preferencias.»
Mensaxe do Secretario Xeneral, António Guterres con motivo do Día Mundial de Concienciación sobre o Autismo, 2 de abril de 2017
















Para facerte unha idea de como percibe o mundo unha persoa autista, recomendámosche:
A. Un corto feito por un neno con Asperger que describe a viaxe ao autismo:
B. Un libro que podes coller emprestado na nosa biblioteca:
O protagonista, Christopher Boone, aos seus quince anos, coñece as capitais de todos os países do mundo, pode explicar a teoría da relatividade e recitar os números primos ata o 7.507 pero cústalle relacionarense cos outros seres humanos.Gústanlle as listas, os esquemas e a verdade, pero odia o amarelo, o marrón e o contacto físico. Malia non ido só máis aló da tenda da esquina, a noite que o can da veciña aparece morto, Christopher decide iniciar a busca do culpable.
C.  BLOG AUTISMO
Ademáis das actividades que algunhas profesoras están preparando para realizar o luns, das que daremos conta, a propia páxina do "Día mundial do autismo" propón as seguintes:
1. Difunde o día: Pon a imaxe da campaña no teu perfil de Facebook, Watsapp ..
2. Realiza un xesto: Unha foto/selfie polo autismo (coa imaxe da campaña de fondo) ou un vídeo. Súbeos ás túas redes sociais có hashtag #DiaMundialAutismo, ou envíaas por Watsapp ao 628 795 794 para seren publicadas na páxina http://diamundialautismo.com/
3. Firma o manifesto en  http://diamundialautismo.com/firma-el-manifiesto


"DÍA DAS ARTES GALEGAS"

O 1 de abril de 2017, Día das Artes Galegas, dedícase á pintora de Viveiro Maruja Mallo (1902-1995). pola importancia da súa obra no Surrealismo español e polo seu contacto e influencia sobre artistas e intelectuais, como Salvador Dalí, Federico García Lorca, José Ortega y Gasset, María Zambrano, Rafael Alberti e Pablo Neruda. 
O Ánxel Fole sumarase á iniciativa proposta pola Deputación de Lugo para homenaxear a esta muller singular.
Deixamos un interesante video para achegarvos a súa vida e obra.

lunes, 27 de marzo de 2017

CONCURSOS "LETRAS GALEGAS 2017"


O Departamento de Lingua Galega e o EDL, en colaboración coa Biblioteca, convocan dous concursos para conmemorar o Día das Letras Galegas.  O prazo remata o 19 de maio. Afiade as plumas, aguzade o inxenio e a  participar!





viernes, 24 de marzo de 2017

DÍA DA POESÍA E DA ÁRBORE




O día 21 de marzo celébrouse o "Día Mundial da Árbore" e o "Día Mundial da Poesía". 
No espazo Abalar acaban de publicar un taller literario realizado por Felisa Redondo con alumnos de 3ª de ESO para conmemorar ambas efemérides: TALLER LITERARIO: "Quienes los árboles cantan"