CHARLA CON VERO BOQUETE

Onte tivemos a grandísima sorte de ter a Verónica Boquete no noso instituto. Acompañábana a Secretaria de Igualdade da Xunta e  o Delegado Territorial da Xunta en Lugo.

Foi un pracer escoitala e comprobar que con esforzo e dedicación podemos lograr o que soñamos. Vero é xogadora de fútbol profesional!!! Xa gañou dúas "Champions League".

Tamén nos falou da importancia de educar en igualdade e enviou ao noso alumnado unha mensaxe que non debemos perder de vista: "o mundo é voso, dentro duns aniños seredes vós as nais, os pais, os mestres ... e está nas vosas mans facer que a igualdade sexa unha realidade".

FINALIZA O ANO INTERNACIONAL DOS LEGUMES

Con todas as actividades realizadas, é seguro que todos os alumnos do centro coñecen as excelencias dos legumes e en varias linguas.
Os alumnos de Lingua Castelá de 1º de ESO C teñen o honor de clausurar este ano cos seus contos sobre legumes; parece ser que tiñan fame, "Hambre de cuentos y de legumbres".

ENCONTROS CON AUTORES: RAÚL VACAS

Os alumnos de ESO están a ler un libro de poesía:

O seu autor, Raúl Vacas, visitounos o pasado luns e realizou para eles un taller.








Logo o autor firmou algúns exemplares.

Esta é a súa dedicatoria para todos nós.

Máis información no blog de Lengua y Literatura.

A Deputación acolle a celebración dun pleno infantil dos alumnos do IES Ánxel Fole de Lugo

A Deputada de Medio Ambiente, Sonsoles López, mantivo hoxe un encontro con 50 alumnos e alumnas de 3º de ESO do IES Ánxel Fole de Lugo, que celebraron un pleno infantil que tivo como tema central a conservación da natureza. Esta actividade puxo fin á 3ª Semana Escolar da Provincia, organizada pola Deputación.

Durante a sesión, os nosos alumnos, representaron un pleno no que efectuaron as funcións de presidente, vicepresidente, secretario, grupos políticos e mesmo de público.

 As propostas sobre as que debateron foron tres: 

. A explotación turística do río Rato, 

. A creación dunha partida orzamentaria para a divulgación e conservación dos espazos naturais protexidos,

. A creación dunha zona de interese natural na zona do castro da Piringalla.

Tras a representación do pleno, o alumnado puido coñecer as instalacións do Pazo de San Marcos nunha visita guiada.

Acceso á noticia

PREVENCIÓN DA SIDA ("MANNEQUIN CHALLENGE")

O pasado 1 de decembro animámosvos a concienciar aos vosos compañeiros, con "moito arte", sobre a importancia que ten a prevención na loita contra a terrible pandemia da SIDA. 

Moi ben para os alumnos de terceiro e grazas ao Departamento de Orientación pola axuda!

Animádevos os demais!

REGALA LIBROS ESTE NADAL!

DÍA INTERNACIONAL CONTRA A SIDA

Tede presente que contra a SIDA o mellor é previr. Como cada ano prestamos atención a este día cos carteis realizados polos alumnos e o cartel co lema deste ano. Tamén repartimos os folletos enviados pola Xunta con información sobre as ETS e repartimos os bolígrafos.

LEVANTADE AS VOSAS MANS POLA PREVENCIÓN  E LOGO FACERVOS UNHA FOTO EN MODO  "MANNEQUIN CHALLENGE".

AGARDAMOS RECIBIR  MOITAS!

PARA MÁIS INFORMACIÓN:

http://www.unaids.org/es/resources/campaigns/WAD2016/materials

http://www.xunta.gal/notas-de-prensa/-/nova/1021/manifesto-dia-mundial-sida-2016